Sipas legjislacionit shqiptar: Të burgosurit duhet t’i komunikohet menjëherë nga institucioni çdo informacion i marrë për vdekjen ose sëmundjen e rëndë të ndonjë të afërmi. Ligji “Për të Drejtat dhe Trajtimin e të Dënuarve me Burgim dhe të Paraburgosurve” dhe Rregullorja e Përgjithshme e Burgjeve parashikojnë në këto raste leje të veçantë për të dënuarit;

Veçoritë e lejes në të tilla raste janë:

• jepet me kohëzgjatje deri në 48 orë dhe bëhet me shoqërim vetëm gjatë ditës;
• vetëm për rastet e sëmundjeve të rënda, mund të zgjatet me kërkesë të të dënuarit edhe 24 orë të tjera me miratimin e drejtorit të institucionit të vuajtjes së dënimit (për të paraburgosurin duhet miratimi paraprak i prokurorit):
  • kjo leje e veçantë jepet per raste sëmundjesh të rënda, të cilat rrezikojnë jetën e anëtarëve të familjes së të paraburgosurit apo të dënuarit dhe kërkesa për leje duhet të shoqërohet me raportin mjekësor të familjarit të sëmurë ku vërtetohet gjendja e rëndë shëndetësore e tij;
  • mund të jepet edhe në rastet te ngjarjeve të rëndësishme familjare, si vdekje, lindje ose martesa, si dhe në rastet e dhënies së provimeve të vetë të dënuarit;
• periudha e lejes përfshihet në kohën e vuajtjes së dënimit.

Rregullat Evropiane të Burgjeve parashikojnë që:

• të burgosurit duhet t’i komunikohet menjëherë nga institucioni çdo informacion i marrë për vdekjen ose sëmundjen e rëndë të ndonjë të afërmi;
• kurdoherë që e lejojnë rrethanat, i burgosuri duhet të lejohet të largohet nga burgu (i shoqëruar me eskortë ose vetëm) për të vizituar një të afërm të sëmurë, për të marrë pjesë në një funeral ose për arsye të tjera njerëzore;

Për më shumë informacion, gjeni materialin Kontakti me boten e jashtme te personave te paraburgosur dhe te denuar në rubriken Te Drejtat ku prezantohen standardet dhe te drejtat sipas legjislacionit shqiptar dhe atij ndërkombëtarë.

Po ne rastet e vdekjes se nje te familjari te te denuarit, cfare te drejtash ka personi ne lidhje me pjesemarrjen ne ceremonine e varrimit? 

Kodi i Procedurës Penale parashikon mbrojtjen e detyrueshme në procesin penal dhe rastet kur duhet të sigurohet ajo. Organi procedues duhet t’i sigurojë menjëherë një mbrojtës të paguar nga shteti të pandehurit që nuk ka zgjedhur mbrojtës ose ka mbetur pa të kur: 
a) është nën moshën tetëmbëdhjetë vjeç;
b) nuk dëgjon dhe nuk flet;
c) është me aftësi të kufizuara, që e pengojnë për të realizuar vetë të drejtën e mbrojtjes;
d) është akuzuar për një vepër penale, për të cilën ligji parashikon dënim në maksimum jo
më pak se 15 vjet me burgim;
e) akuzohet për një vepër penale të korrupsionit apo të krimit të organizuar;
f) është deklaruar i ikur ose në mungesë, me vendim gjykate;
g) merret në pyetje personi i arrestuar ose i ndaluar;
h) në rastet e mbledhjes së të dhënave mbi personin ndaj të cilit zhvillohen hetimet;
i) në çdo rast tjetër të parashikuar nga ligji.

E drejta e të akuzuarit për mbrojtje garantohet edhe kur nuk janë rastet e mbrojtjes së detyrueshme dhe i pandehuri, që nuk ka mjete financiare të mjaftueshme, kërkon mbrojtës. Në këto raste, organi procedues cakton mbrojtësin nga lista e vënë në dispozicion nga institucionet e ndihmës juridike falas. Shpenzimet e mbrojtjes mbulohen nga shteti. Personi i arrestuar në flagrancë ose i ndaluar ka të drejtë të flasë me mbrojtësin menjëherë pas arrestimit ose ndalimit.
I pandehuri i paraburgosur ka të drejtë të flasë me mbrojtësin e tij që në momentin e ekzekutimit të masës së sigurimit. 

Per me shume informacion, ju ftoj te lexoni materialin Te drejtat e te ndaluarve ne procedurat gjyqesore ne rubriken "Te Drejtat" te kesaj platforme.

Shpresoj t'ju kemi ndihmuar. 

Ju lutem a mund tme informoni se kush persona perfitojne avokat falas?

faleminderit

Të dhënat e personave të cilët do të përdorin këtë shërbim do të mbeten konfidenciale dhe do të aksesohen vetëm nga administratori i faqes.

Ndër të tjera, institucionet dhe organizatat e shoqërisë civile që merren me të dënuar dhe të paraburgosur, ftohen të ndajnë rastet e tyre praktike në promovimin dhe mbrojtjen e të drejtave të kësaj kategorie.