te drejtat e te denuarve Forum - Recent Topics

Ankimo në mënyrë private

Elida — Mon, 24 May 2021 13:51:47 +0000

Nëse doni të ndani problematikën tuaj apo të familjarëve mbi shkelje të të drejtave tuaja gjatë procesit penal, arrestimit, marrjes në pyetje, gjatë ekzekutimit të vendimit penal etj., por nuk doni që rasti juaj apo materialet e dërguara (foto, video, dokumenta) të jenë publike dhe të shikohen nga pjesa tjetër e përdoruesve të kësaj platforme, ju mund të perdorni rubrikën "Ankimo" duke plotësuar informacionin e kërkuar dhe duke bërë një përshkrim të shkurtër të çeshtjes. Shërbimi që ju kërkoni nëpërmjet kësaj rubrike do të ju komunikohet në mënyrë private gjithashtu, duke përdorur emailin apo numrin e telefonit që ju do të rregjistroni.

Të dhënat e personave të cilët do të përdorin këtë shërbim do të mbeten konfidenciale dhe do të aksesohen vetëm nga administratori i faqes.

Ndani shqetësimin / trego historinë tuaj apo të familjarit tuaj

Elida — Mon, 24 May 2021 12:37:39 +0000

Nëpërmjet këtij forumi ju ftojmë të ndani eksperiencë tuaj apo të familjarit/të afërmit tuaj të cilët janë gjetur përballë shkeljesh të të drejtave të tyre gjatë arrestimit, ndalimit apo vuajtjes së dënimit për një vepër penale. Eksperienca/historia e ndarë do të shërbejë që institucionet dhe organizatat e shoqërisë civile të cilat përdorin këtë platformë të informohen dhe t’i kushtojnë vëmendjen e duhur situatave të tilla në mënyrë që të kemi sa më pak raste të shkeljes së të drejtave në institucionet e vuajtjeve të dënimeve penale. Gjithashtu, nëpërmjet diskutimeve që do të zhvillohen mbi historinë e ndarë nga ju, qytetarët do të informohen mbi të drejtat e të paraburgosurve dhe të dënuarve duke u përballur edhe me rastet konkrete.

Ndër të tjera, institucionet dhe organizatat e shoqërisë civile që merren me të dënuar dhe të paraburgosur, ftohen të ndajnë rastet e tyre praktike në promovimin dhe mbrojtjen e të drejtave të kësaj kategorie.

Standardet euopiane dhe parashikimet në legjislacionin shqiptar mbi të drejtat e personave të paraburgosur dhe të dënuar

Elida — Mon, 24 May 2021 11:58:42 +0000

Klikoni në rubrikën "Të Drejtat e Tua" për t'u njohur me të drejtat e personave të dënuar me vendim gjykate dhe të paraburgosur, kushtet e burgimit që parashikojnë aktet europiane dhe legjislacioni në Shqipëri, shërbimi mjeksor i të dënuarve/paraburgosurve, të drejtat e tyre në procesin gjyqësor, punësimi dhe edukimi, trajtimi i kategorive të veçanta (të mitur dhe gra), kontakti me botën e jashtme etj.

Informacion mbi legjislacionin

Elida — Tue, 11 May 2021 13:35:11 +0000

Nepermjet kesaj hapsire mund te ndani pyetje dhe te konsultoheni mbi legjislacionin qe parashikon rregullimin e drejtesise penale dhe te drejtat e personave te denuar apo te paraburgosur.